फेरि आकाशियो सुनको भाउ, एकैदिन ४ हजार ९ सयले उकालो

नेपाली बजारमा आज फेरि सुनको मूल्यले नयाँ उचाइ छोएको छ। मंगलबार एकैदिन प्रतितोला ४ हजार ९ सय रुपैयाँले वृद्धि भएसँगै सुनको मूल्य ऐतिहासिक स्तरमा पुगेको हो।

नेपाल सुन–चाँदी व्यवसायी महासंघका अनुसार आजको बजार मूल्य अनुसार छापावाला सुन प्रतितोला २ लाख ४६ हजार ४०० रुपैयाँमा कारोबार भइरहेको छ।
अघिल्लो दिन सोमबार सुन प्रतितोला २ लाख ४१ हजार ५०० रुपैयाँमा खरिदबिक्री भएको थियो।

यसअघि सोमबार पनि सुनको मूल्य २ हजार ९ सय रुपैयाँले बढेको थियो। लगातार दुई दिनदेखि भएको तीव्र मूल्यवृद्धिले बजारमा सुन खरिदमा केही मंदी देखिएको व्यवसायीहरूले बताएका छन्।

चाँदीको भाउ पनि उकालो

सुनसँगै आज चाँदीको मूल्यमा पनि वृद्धि भएको छ। मंगलबार प्रतितोला चाँदीको मूल्य ३ हजार १७० रुपैयाँ पुगेको छ, जुन सोमबारको ३ हजार ६५ रुपैयाँभन्दा १०५ रुपैयाँ बढी हो।

चाँदीमा पनि माग स्थिर रहेपनि अन्तर्राष्ट्रिय बजारमा अमेरिकी डलरको उतार–चढाव र कच्चा तेलको मूल्यवृद्धिले असर पारेको बताइन्छ।

मूल्य वृद्धि पछाडि कारण

व्यवसायीहरूका अनुसार हाल अन्तर्राष्ट्रिय बजारमा सुनको माग बढ्नु, अमेरिकी आर्थिक नीतिको अनिश्चितता, मध्यपूर्व र अन्य क्षेत्रमा बढ्दो geopolitical tension लगायतका कारणले सुनको मूल्य निरन्तर उकालो लागेको हो।

आजको सुन–चाँदी दर (मंगलबार, काठमाडौं बजार)