कोशी प्रदेशका मुख्यमन्त्री हिक्मतकुमार कार्कीले मौलिक संस्कृतिको संरक्षण, संवर्द्धन र प्रवर्द्धन सबैको साझा जिम्मेवारी भएको बताएका छन्। उनले यो सन्देश दीपावली र भाइटिका पर्वको पावन अवसरमा शुभकामना व्यक्त गर्दै दिएका हुन्।
मुख्यमन्त्री कार्कीले शुभकामना सन्देशमा भने, “हाम्रो संस्कृति, हाम्रो गौरव” भन्ने मूल नारासँगै यस पर्वले पारिवारिक एकता, माया र आपसी सम्बन्ध झन् प्रगाढ बनाउन सहयोग गर्ने विश्वास व्यक्त गरे। उनले देश बहुजातीय, बहुभाषिक र बहुसांस्कृतिक विशेषतायुक्त भएकाले विविधतामै हाम्रो शक्ति रहेको उल्लेख गरे।
सन्देशमा उनले दीपावलीको उज्यालोले सत्य, न्याय र सद्भावको भावना फैलाउने र भाइटिकाले दिदी–भाइबीचको प्रेम, माया र सम्मानलाई अझ प्रगाढ बनाउने अवसर दिने बताए। उनले नेपाली परम्परा, धर्म र संस्कृतिलाई हाम्रो पहिचान भएको स्मरण गराए।
मुख्यमन्त्री कार्कीले प्रदेश सरकारले सबै धर्म, जाति र संस्कृतिको समान सम्मान गर्दै मौलिक संस्कृतिको संरक्षण र प्रवर्द्धनमा निरन्तर कार्य गरिरहेको पनि बताए। उनले दीपावली र भाइटिका जस्ता पर्वहरूले सामाजिक समरसता, सहकार्य र एकता बलियो बनाउन सहयोग गर्ने विश्वास व्यक्त गरे।
सन्देशमा भनिएको छ, “यी पर्वहरूले नयाँ उत्साह, उमङ्ग र उर्जा सञ्चार गरी समाजमा सकारात्मक सोच र सहकार्यको वातावरण सृजना गर्न प्रेरणा दिन्छन्।”