सुनको मूल्य एकैदिन २९ सयले बढ्यो, चाँदी पनि महँगियो

नेपालमा आज सुनको मूल्यमा ठूलो वृद्धि भएको छ। अघिल्लो दिन आइतबार मामुली २ सय रुपैयाँले मात्र बढेको सुनको मूल्य आज एकैदिनमा २९ सय रुपैयाँले उक्लिएको हो।

नेपाल सुनचाँदी व्यवसायी महासंघका अनुसार सोमबारको बजार दर अनुसार छापावाल सुनको मूल्य प्रतितोला २ लाख ४१ हजार ५०० रुपैयाँ पुगेको छ।

सुन र चाँदीको आजको बजार मूल्य (२०८२ कात्तिक २० गते)

महासंघका अनुसार सुनको मूल्यमा भएको यो वृद्धि पछिल्लो समय अन्तर्राष्ट्रिय बजारमा बढ्दो सुनको मूल्य र अमेरिकी डलरको प्रभावका कारण भएको हो।

सुनसँगै आज चाँदीको मूल्य पनि ५० रुपैयाँले बढेर प्रति तोला ३ हजार ६५ रुपैयाँमा पुगेको छ।