भदौ २४ का जेन–जी आन्दोलनका क्रममा पोखरा–कास्कीका सरकारी कार्यालयमा भएको आगजनी र तोडफोडपछि अब आंशिक रूपमा सेवा सुरु भएको छ।
प्रशासनिक सेवा
- जिल्ला प्रशासन कास्कीले आइतबारदेखि मुद्दा, शान्ति सुरक्षा, विपद् व्यवस्थापन लगायतका अत्यावश्यक सेवा सुरु गरेको छ।
- कार्यालयमा ठूलो क्षति भए पनि केही कार्यकक्षमा न्यूनतम मर्मत गरेर सेवा उपलब्ध गराइरहेको प्रमुख जिल्ला अधिकारी रुद्रादेवी शर्माले जानकारी दिइन्।
- नागरिकता, राहदानी, राष्ट्रिय परिचयपत्रजस्ता सेवाहरू क्रमिक रूपमा सञ्चालन हुनेछन्।
अदालतको सेवा
- कास्की अदालतले म्याद थप, जरुरी पक्राउ पुर्जी स्वीकृत, बन्दी प्रत्यक्षीकरण, अभियोगपत्र सम्बन्धी सेवा पुनः सुरु गरेको छ।
- हालै निषेधाज्ञा र कर्फ्युका कारण म्याद/तारेख गुमाएका पक्षले अदालतमा उपस्थित भएर मुद्दा अघि बढाउन सक्ने व्यवस्था गरिएको छ।
- अदालतले ३० दिनभित्र नियमित कामकारबाहीमा उपस्थित हुने निर्णय प्रकाशित गरेको छ।
महानगरपालिका र वडा कार्यालय
- पोखरा–२५ का वडाध्यक्ष मोतीलाल तिम्सिनाका अनुसार दमकल भवन, पोखरा सभागृह र महाशाखाबाट सेवा प्रदान तयारी।
- शिक्षा, आर्थिक प्रशासन, भूमि प्रशासन, खरिद, योजना र सहकारी शाखा सेवा वैकल्पिक भवनबाट प्रवाह हुनेछ।
- ३३ वडा कार्यालयमध्ये २० पूर्ण क्षतिग्रस्त, ६ आंशिक क्षति, र ७ कार्यालय पूर्ण रूपमा सुरक्षित छन्।
- केही नयाँ भवनमा सारिएका वडा कार्यालय पनि आगजनीबाट क्षतिग्रस्त भएका छन्।
प्रहरी सेवा
- जिल्ला प्रहरी कार्यालय मर्मत भइरहेको छ। कुर्सी, टेबल, कम्प्युटर अभावले पूर्ण सेवा अझै सुरु हुन बाँकी छ।
- अनुसन्धान कार्य आन्दोलनमा संलग्न व्यक्तिहरूको खोजी पछि मात्रै सुरु हुनेछ।