जेन-जी आन्दोलनका कारण स्थगित भएका चलचित्र प्रदर्शन फेरि सुरु हुने भएका छन्। चलचित्र संघले क्षतिग्रस्तबाहेकका हल भोलिदेखि सञ्चालनमा ल्याउने तयारी गरेको छ।
यससँगै फूलपातीको दिनदेखि तीन फिल्म प्रदर्शनमा आउने भएका छन्—
बलिदान – निर्देशक सन्तोष सेन
माइतीघर – निर्माता रोहित अधिकारी
हरिबहादुरको जुत्ता – दीपेन्द्र के. खनाल निर्देशित, सरोज ओली निर्मित
निर्देशक सेनका अनुसार आन्दोलनकै बीचमा फिल्म प्रदर्शनको कुरा बेकार जस्तो लागे पनि अब देश सामान्य बन्दै गएकाले तोकिएको मितिमै ‘बलिदान’ ल्याउने निर्णय गरिएको हो।
यस्तै, रोहित अधिकारीले “दसैंजस्तो ठूलो चाडमा मनोरञ्जन आवश्यक छ” भन्दै ‘माइतीघर’लाई फूलपातीमै ल्याउने बताए। सरोज ओलीले पनि “दर्शकलाई दुःखबाट राहत दिन मनोरञ्जनको माध्यम आवश्यक छ” भन्दै ‘हरिबहादुरको जुत्ता’ प्रदर्शन हुने जानकारी दिए।
साथै, आन्दोलनका कारण बीचमै रोकिएका फिल्महरू पनि पुनः प्रदर्शनमा आउने भएका छन्—
- गुन्योचोलो: द ड्रेस (समुन्द्र भट्ट)
- माग्ने राजा (सामिप्यराज तिमल्सिना)
- रिमै (खिलबहादुर गुरुङ)
यसरी दसैंमा नेपाली फिल्म उद्योग फेरि चलायमान हुने संकेत देखिएको छ।