यस वर्ष मौसम अनुकूल नहुँदा भोजपुरमा फूलको उत्पादनमा कमी आएको छ। स्थानीय किसानहरूले बताएका अनुसार गत वर्षको तुलनामा यस वर्ष मखमली, सयपत्री, गोदावरीलगायत तिहारमा बढी प्रयोग हुने फूल कम फुलेको छ।
सामान्यतया असोज अन्त्यतिर फूल फुल्ने भए पनि यस वर्ष अधिकांश बोटमा कोपिला मात्रै बनेका छन्। टेम्केमैयुङकी किसान दुर्गा विष्टले बताइन्, “अहिले तिहारका लागि लगाइएको फूल मौसमअनुकूल नहुँदा समयमा फुलेन। अहिले पनि धेरै बोटमा कोपिला मात्रै छन्।”
स्थानीय व्यापारीहरूले भने, उत्पादन घटेकाले माग उच्च भएको र मूल्य वृद्धि भएको बताएका छन्। यस कारणले किसान र व्यापारी दुवैलाई फूलको आपूर्ति पुर्याउन चुनौती भइरहेको छ।
यो वर्ष फूल उत्पादनमा कमी हुनु मौसम परिवर्तन र स्थानीय जलवायु परिस्थितिसँग सम्बन्धित रहेको स्थानीय विशेषज्ञहरूले बताएका छन्।