अमेरिकाको सबैभन्दा ठूलो सहर न्यूयोर्क को मेयरमा जोहरान ममदानी विजयी भएका छन्।
३४ वर्षीय ममदानी न्यूयोर्कका सबैभन्दा कान्छा, पहिलो मुस्लिम र दक्षिण एसियाली मूलका मेयर बनेका हुन्।
सीबीएसका अनुसार ममदानीको जितसँगै अमेरिकी राजनीति र विविधता इतिहासमा नयाँ अध्याय सुरु भएको छ। उनका समर्थकहरूले विजयी उत्सव मनाइरहेका छन् र सामाजिक सञ्जालमा बधाई सन्देशहरू पोखिरहेका छन्।
मेयर चुनावमा कडा प्रतिस्पर्धा
ममदानीले एन्ड्रयू कुओमो र रिपब्लिकन उम्मेदवार कर्टिस स्लिभा लाई पराजित गरेका हुन्।
स्लिभाले आफ्नो हार स्वीकार गर्दै भने,
“अब हामीसँग निर्वाचित मेयर छन्। म उनलाई शुभकामना दिन्छु। उनले राम्रो गरे भने, त्यो हामी सबैका लागि राम्रो हुनेछ।”
जोहरान ममदानी को हुन्?
जोहरान ममदानीको जन्म सन् १९९१ मा युगान्डाको राजधानी कम्पाला मा भएको हो।
उनी फिल्म निर्देशक मीरा नायर र कोलम्बिया विश्वविद्यालयका प्राध्यापक महमूद ममदानी का छोरा हुन्।
उनका बुबा भारतीय मूलका हुन् र युगान्डामा जन्मिएका थिए, जबकि आमालाई “मन्सून वेडिङ” जस्ता चर्चित बलिउड–हलिउड फिल्मबाट चिनिन्छ।
ममदानीले बाल्यकाल कम्पालामा बिताए र पाँच वर्षको उमेरमा दक्षिण अफ्रिका सरे।
त्यहाँ उनले केप टाउनको सेन्ट जर्ज ग्रामर स्कूल मा अध्ययन गरे, जुन १८४८ मा स्थापना भएको दक्षिण अफ्रिकाको सबैभन्दा पुरानो विद्यालय हो।
सात वर्षको उमेरमा उनी न्यूयोर्क पुगे र ब्रोंक्स हाई स्कूल अफ साइन्स मा अध्ययन गरे।
सन् २०१४ मा उनले बोडेन कलेज बाट अफ्रिकी अध्ययन मा स्नातक गरे र सन् २०१८ मा अमेरिकी नागरिकता प्राप्त गरे।
राजनीतिक र सामाजिक महत्व
जोहरान ममदानीको जितले अमेरिकी राजनीतिमा धार्मिक र सांस्कृतिक विविधताको प्रतिनिधित्व बढाएको छ।
उनको विजयी अभियान सामाजिक न्याय, आवास सुधार, र समान अवसरका नीतिहरूमाथि केन्द्रित थियो।