सशस्त्र प्रहरीले नेपाल-भारत मैत्री बसबाट लागुऔषध गाँजासहित दुई भारतीय नागरिकलाई आइतबार पक्राउ गरेको छ।
पक्राउ पर्नेमा महाराष्ट्र मुम्बई बस्ने ४२ वर्षीय अनवर सलाउदिन खान र ४१ वर्षीय मोहम्मद इकवाल सय्यद रहेका छन्।
सशस्त्र प्रहरी बल नेपाल, प्रस्तावित सीमा सुरक्षा गुल्म वीरगन्जबाट खटिएको टोलीले वीरगन्ज महानगरपालिका–१६ बाट भारततर्फ जाँदै गरेको बा ५ ख १२३७ नम्बरको नेपाल-भारत मैत्री बसमा जाँच गर्दा उनीहरुको झोलाबाट ६ किलो ४ सय ग्राम गाँजा बरामद भएको हो।
दुवैलाई नियन्त्रणमा लिएर आवश्यक कारबाहीका लागि वडा प्रहरी कार्यालय विर्तामा बुझाइएको छ। यसबारे सूचना अधिकारी डीएसपी सुरज कार्कीले जानकारी दिएका छन्।