भौतिक पूर्वाधार तथा यातायातमन्त्री कुलमान घिसिङले दसैं अवधिमा काठमाडौं उपत्यकाबाट बाहिरिने यात्रुवाहक सार्वजनिक सवारी साधनलाई नागढुंगा–सिस्नेरी सुरुङमार्ग प्रयोग गर्न अनिवार्य गर्ने निर्देशन दिएका छन्।
सिंहदरबारमा बैठक
शनिबार सिंहदरबारमा बसेको बैठकमा—
- यातायात व्यवस्था विभाग
- सुरक्षा निकाय
- यातायात व्यवसायी
लगायत सरोकारवालासँग छलफल गरी दसैं अवधिमा मात्र सुरुङमार्गमार्फत सार्वजनिक सवारी साधन बाहिरिने र पुनः दसैंपछि फर्कने व्यवस्था मिलाइने निर्णय भएको हो।
अन्य प्रमुख निर्णयहरू
- सडक अवस्थाबारे २४ घण्टा निगरानी गर्न कन्ट्रोल रुम सञ्चालन गर्ने।
- नयाँ बसपार्कसहित राजमार्गहरूमा प्रहरी गस्ती बढाउने र अतिरिक्त प्रहरी परिचालन गर्न गृह मन्त्रालयलाई अनुरोध गर्ने।
- सार्वजनिक सवारीलाई सुरक्षित र प्रविधिमैत्री बनाउन कार्यविधि तथा निर्देशिका तयार गरी छिट्टै मन्त्रालयमा पेस गर्न यातायात व्यवस्था विभागलाई निर्देशन दिने।