दसैं यात्रु व्यवस्थापनलाई सहज बनाउन बुटवल–नारायणघाट सडकको दाउन्ने खण्डमा १२ चक्के वा सोभन्दा माथिका ठूला भारबाहन सञ्चालनमा रोक लगाइएको छ।
रोक लगाउने कारण
- राजमार्गको कमजोर अवस्था
- यात्रुबाहक सवारी साधनलाई प्राथमिकता
मन्त्री कुलमान घिसिङको निर्देशन
शनिबार सरोकारवालासँगको छलफलपछि ऊर्जा, जलस्रोत तथा सिँचाइ, भौतिक पूर्वाधार तथा यातायात तथा सहरी विकास मन्त्री कुलमान घिसिङले यस्तो निर्णय भएको जानकारी दिएका हुन्।
- खाद्यान्न तथा अत्यावश्यक सामग्री ढुवानी गर्ने गाडी भने निरन्तर सञ्चालन हुने व्यवस्था मिलाइनेछ।
बैठकका प्रमुख निर्णयहरू
- काठमाडौं उपत्यकाबाट बाहिरिने यात्रुबाहक सवारी साधनलाई नागढुंगा–सिस्नेरी सुरुङमार्ग प्रयोग गर्ने।
- मुलुकभरका मुख्य सडकहरूलाई चुस्तदुरुस्त बनाउन र सुधार गर्न पहल गर्ने।
- पहिरो व्यवस्थापनका लागि आवश्यक सामग्री र यन्त्रहरूको उपलब्धता गराउने।
- बुटवल–नारायणघाट सडकको दाउन्ने खण्डमा २४ घण्टा दुईतर्फी यातायात सञ्चालन गर्ने।