पूर्वप्रधानमन्त्री तथा नेकपा (एमाले) का अध्यक्ष केपी शर्मा ओलीले प्रतिनिधि सभा निर्वाचनका लागि मतदान गरेका छन्।
ओलीले भक्तपुरको बालकोटस्थित महेन्द्र शान्ति विद्यालयमा रहेको मतदान केन्द्रबाट आफ्नो मताधिकार प्रयोग गरेका हुन्। उनी पत्नी राधिका शाक्यसँगै मतदान केन्द्र पुगेका थिए।
यसपटकको प्रतिनिधि सभा निर्वाचनमा ओली झापा–५ निर्वाचन क्षेत्रबाट उम्मेदवार बनेका छन्। उम्मेदवार भएकाले उनी र उनकी पत्नीले भने आफूलाई मत दिन पाउने छैनन्।
निर्वाचन आयोगका अनुसार देशभर जारी प्रतिनिधि सभा निर्वाचनमा दिउँसो १२ बजेसम्म करिब १८ प्रतिशत मतदान भएको जानकारी दिएको छ।
देशका विभिन्न मतदान केन्द्रमा मतदाताको सहभागितासँगै शान्तिपूर्ण रूपमा मतदान प्रक्रिया जारी रहेको छ।