अर्थमन्त्री रामेश्वरप्रसाद खनाल विश्व बैंक र अन्तर्राष्ट्रिय मुद्रा कोष (IMF) को वार्षिक बैठकमा भाग लिनका लागि संयुक्त राज्य अमेरिका भ्रमणमा रहेका छन्।
उनले अमेरिकाको चेम्बर अफ कमर्स द्वारा आयोजित ‘From the Himalayas to the Heartland: Strengthening the U.S.–Nepal Partnership’ शीर्षकको बिजनेस डायलग कार्यक्रमलाई सम्बोधन गर्दै नेपालको आर्थिक अवस्था र विदेशी लगानीका अवसरबारे जानकारी गराएका हुन्।
अर्थमन्त्री खनाल र IMF उप–प्रबन्ध निर्देशकबीच भेटवार्ता
अर्थमन्त्री खनालले अमेरिकाको राजधानी वाशिङ्टन डीसीमा अन्तर्राष्ट्रिय मुद्रा कोषका उप–प्रबन्ध निर्देशक बो लिबीसँग भेटवार्ता गरेका छन्।
अमेरिकास्थित नेपाली राजदूतावासका अनुसार उक्त भेटमा वित्तीय नीति, लगानी वातावरण, र आर्थिक सुधारका विषयमा गहन छलफल भएको थियो।
भेटमा नेपाल राष्ट्र बैंकका गभर्नर डा. विश्वनाथ पौडेल, दूतावासका प्रतिनिधिहरू र खनालका भ्रमण टोलीका सदस्यहरू समेत उपस्थित थिए।
नेपालको आर्थिक सुधारका प्रयासमा अन्तर्राष्ट्रिय सहकार्य
अर्थमन्त्री खनालको यो भ्रमणलाई नेपालको आर्थिक स्थायित्व, लगानी प्रवर्द्धन र अन्तर्राष्ट्रिय सहकार्य सुदृढीकरणका लागि महत्वपूर्ण कदमका रूपमा हेरिएको छ।
उनले विश्व बैंक र IMF को बैठकमा नेपालको हालको आर्थिक नीति, राजस्व सुधार, र विदेशी लगानी अनुकूल वातावरणका विषयमा प्रस्तुति दिने कार्यक्रम रहेको मन्त्रालयले जनाएको छ।