जारी संस्करणमा लगातार उत्कृष्ट प्रदर्शन गर्दै कर्णाली महिला भलिबल टिमले अपराजित रहँदै उपाधि हात पारेको छ। शनिबार दशरथ रंगशाला कभर्ड हलमा सम्पन्न फाइनल खेलमा कर्णालीले ललितपुर क्विन्सलाई ३–२ को रोमाञ्चक सेटमा पराजित गर्दै उपाधि उचालेको हो।
कर्णालीले खेलको सुरुवाती दुई सेट आफ्नो पक्षमा पारेपछि ललितपुरले उल्लेखनीय कमब्याक गर्दै तेस्रो र चौथो सेट जितेको थियो। खेल निर्णायक पाँचौं सेटसम्म पुगेपछि कर्णालीले पुनः बलियो प्रदर्शन गर्दै १५–८ को अन्तरमा जित दर्ता गर्यो।
सेट परिणाम
- १st Set: कर्णाली 26–24
- २nd Set: कर्णाली 25–17
- ३rd Set: ललितपुर 25–13
- ४th Set: ललितपुर 25–17
- ५th Set: कर्णाली 15–8
पहिलो संस्करणमा उपविजेता बनेको ललितपुरले यसपटक पनि दोस्रो स्थानमै चित्त बुझाउनुपर्ने भयो। तेस्रो र चौथो सेट जितेर खेलमा फर्किए पनि निर्णायक सेटमा पुनः लय बनाउन नसक्दा ललितपुरले पहिलो उपाधि जित्ने अवसर गुमायो।
कर्णालीको स्थिर प्रदर्शन, निर्णायक क्षणमा देखाएको शान्त मिजाज र सेट ब्रेकपछि गरिएको रणनीतिक परिवर्तनले टोलीलाई लगातार अपराजित यात्रा कायम राख्दै उपाधि जित्न मद्दत गरेको प्रशिक्षक टोलीले जनाएको छ।