नेकपा एमालेका अध्यक्ष एवं निवर्तमान प्रधानमन्त्री केपी शर्मा ओलीले जेनजी आन्दोलनपछि खण्डहर बनेको आफ्नो बालकोट निवास अवलोकन गरेका छन्।
ओली पहिलो पटक आज मध्यान्हमा आफ्नो घर हेर्न बालकोट पुगेका हुन्। भदौ २४ गते जेनजी आन्दोलनमा सहभागी प्रदर्शनकारीहरूले जलाएको बालकोटको निवास उनका लागि अब खण्डहर बनेको अवस्था रहेको छ।
अध्यक्ष ओली बालुवाटारबाट सैनिक हेलिकोप्टरमार्फत बालकोटको ब्यारेकमा पुगेका थिए। त्यसपछि उनी भक्तपुरको गुण्डुमा बस्दै आएका थिए। बालकोट पुगेर उनले सुरुमा गेटमा उभिएर जलेको घर अवलोकन गरे र बार्दली लगायतका घरभित्रका कोठामा गएर जलेका पुस्तक तथा सामग्रीहरू जाँच गरे।
ओलीसँगै उनकी धर्मपत्नी राधिका शाक्य र पार्टी कार्यकर्ताहरू पनि बालकोट पुगेका थिए। शाक्य गत असोज ४ गते पनि खण्डहर बनेको घर अवलोकन गर्न पुगेकी थिइन्। उनले यसअघि नयाँ पुस्ताका लागि घरलाई संग्रहालयको रूपमा छोड्ने सोच रहेको बताए पनि, अब जलेर खरानी बनेको घर देखेर दुख व्यक्त गरेकी थिइन्।
यो अवलोकन ओली र उनकी परिवारका लागि भावनात्मक क्षण बनेको छ।