जेन–जी आन्दोलनको क्रममा माओवादी द्वन्द्वकालका महत्त्वपूर्ण मुद्दाका फाइलहरू ध्वस्त भएको अदालतका एक कर्मचारीले जानकारी दिएका छन्।
अदालतमा रहेका मुद्दाका मिसिल, अभिलेख, इतिहास र नजिरहरू खरानी पारिने क्रममा माओवादीसँग सम्बन्धित धेरै फाइलहरू पनि जलाइएको भेटिएको हो।
विशेषगरी, माओवादी द्वन्द्वकालमा नेताहरूमाथि लागेका व्यक्ति हत्यासम्बन्धी मुद्दाका फाइलहरू नष्ट भएका छन्। सर्वोच्च अदालत, काठमाडौं जिल्ला अदालत र कास्की अदालतमा रहेका मुद्दाका मिसिल र दस्तावेज खरानी भएका छन्।
अदालतका कर्मचारीहरूले जानकारी दिएअनुसार, फाइल जलाउने कार्यमा संलग्नहरूले पूर्वनिर्धारित योजना अनुसार कुन फाँटमा आक्रमण गर्ने भनेर जानकारि राखेर आगो लगाएका थिए।
यस घटनाले न्यायिक प्रक्रिया र ऐतिहासिक अभिलेख संरक्षणमा ठूलो असर पारेको छ र अदालत तथा सम्बन्धित निकायहरूले थप अनुसन्धान सुरु गरेका छन्।