नेपाल एयरलाइन्सले साउदी अरबको दमाम शहरबाट हप्तामा तीन पटक नियमित उडान सुरु गर्ने भएको छ। उडान आइतबार, मंगलबार र बिहीबारका दिन दमाम–काठमाडौं–दमाम रुटमा सञ्चालन हुनेछ।
नेपाल एयरलाइन्सका साउदी कन्ट्री म्यानेजर अन्जु शर्मा मरासिनीका अनुसार, यात्रुको बढ्दो चापलाई ध्यानमा राख्दै सो सेवा सुरु गरिएको हो।
उडान विवरण
- उडान रुट: दमाम – काठमाडौं – दमाम
- उडान दिनहरू: आइतबार, मंगलबार, बिहीबार
- सुरुआत मिति: भोलिदेखि (१ अगस्ट २०२५)
यात्रु सुविधाहरू
यात्रुहरूले निम्न सुविधा प्राप्त गर्ने छन्:
- ४० केजी चेक-इन लगेज
- ७ केजी ह्यान्ड क्यारी
- उडान समयमा निःशुल्क खाना
- टिकट मिति परिवर्तन, रिफन्ड सुविधा
- सिट छनोट, अतिरिक्त ब्याग खरिद सेवा
भाडा विवरण
- दमाम–काठमाडौं: रु १६,७०० (एकतर्फी)
- काठमाडौं–दमाम: रु ३२,८०० (एकतर्फी)
(भाडा परिवर्तनशील हुन सक्नेछ)
रियाद–काठमाडौं उडान पुनः सुरु हुने तयारी
नेपाल एयरलाइन्सले रियादबाट काठमाडौं उडान पुनः सुरु गर्न सम्बन्धित निकायसँग अन्तिम छलफलमा पुगेको जानकारी दिइएको छ।
नेपाली राजदूत डा. नरेश विक्रम ढकालका अनुसार, साउदीमा झण्डै ४ लाख नेपाली रहेका कारण हप्तामा ३ उडान हुनु सहज र सकारात्मक पहल हो।
शव ढुवानीसम्बन्धी समस्या समाधानको प्रयास
साउदी अरबबाट मृत नेपालीहरूको शव नेपाल लैजान अहिले समस्या भएको उल्लेख गर्दै
– कार्गो एग्रिमेन्ट नभएको कारण समस्या आएको
– सम्बन्धित पक्षसँग छलफल भैरहेको
कन्ट्री म्यानेजर मरासिनीले जानकारी दिइन्।