डडेल्धुराको आलिताल गाउँपालिका–४ रज्यौडामा प्रहरीले भरुवा बन्दुकसहित एक जनालाई पक्राउ गरेको छ ।
गोप्य सूचनाका आधारमा जिल्ला प्रहरी कार्यालय डडेल्धुराबाट खटिएको टोलीले मंगलबार साँझ स्थानीय दीपक सिँजालीको घरमा खानतलासी गर्दा एक थान भरुवा बन्दुक बरामद गरेको हो ।
त्यसैगरी, अर्का स्थानीय गगन बोहराको कोठामा समेत अर्को एक थान भरुवा बन्दुक फेला परेको प्रहरीले जनाएको छ । बरामद दुईमध्ये सिँजालीलाई नियन्त्रणमा लिइएको छ भने बोहरा भने फरार रहेको जिल्ला प्रहरी कार्यालय डडेल्धुराले जानकारी दिएको छ ।
प्रहरीका अनुसार फरार बोहराको खोजी जारी छ भने यस घटनाबारे थप अनुसन्धान भइरहेको छ ।