नाइजेरियाको दक्षिणपश्चिमी भाग, मालीको सीमामा रहेको बानी बङगौ नामक क्षेत्रमा इस्लामिक स्टेट (आईएसआइएस) आतंककारी समूहले सैनिक अड्डामाथि ठूलो सशस्त्र आक्रमण गर्दा कम्तीमा ३४ जना सैनिकको ज्यान गएको छ भने १४ जना घाइते भएका छन्।
शुक्रबार नाइजेरियाको रक्षा मन्त्रालयले एक विज्ञप्ति जारी गर्दै बिहीबार भएको यस आक्रमणमा आतंककारीहरूले आठवटा गाडी र २०० भन्दा बढी मोटरसाइकल प्रयोग गरेको जानकारी दिएको छ।
आक्रमणपछि सेनाले प्रभावित क्षेत्रमा हवाइ तथा स्थल निगरानी अभियान चलाएको छ भने सुरक्षा व्यवस्था कडा पारिएको जनाएको छ।
आईएसले आफ्नो आधिकारिक माध्यममार्फत विज्ञप्ति जारी गर्दै हमलाको जिम्मेवारी लिएको छ। यस आक्रमणले नाइजेरियाको सुरक्षा अवस्था अझै नाजुक भएको देखाएको छ र सुरक्षाकर्मीहरू अझ सतर्क बन्नुपर्ने अवस्था आएको छ।
रक्षा मन्त्रालयले थप विवरण आउन बाँकी रहेको बताएको छ।