पूर्वपश्चिम राजमार्गस्थित सर्लाहीको ईश्वरपुर नगरपालिका–४ लच्का नजिक शुक्रवार साँझ जनकपुरबाट मलङ्गवा आउँदै गरेको ग१ख ९४९४ नम्बरको यात्रुवाहक बस दुर्घटनामा परेको छ। दुर्घटनामा १८ जना यात्रु घाइते भएका छन्।
जिल्ला ट्राफिक प्रहरी कार्यालयका प्रमुख प्रहरी निरीक्षक रजोश घिमिरेका अनुसार बसमा सवार सबै घाइतेहरूको अवस्था सामान्य रहेको छ र मोडेल अस्पताल लालबन्दी, सर्लाही लाइफलाइन अस्पताल नवलपुर र शुभस्वतिक अस्पताल बर्दिबासमा उपचार भइरहेको छ।
घाइतेमध्ये धनुषा, मिथिला, सर्लाही, मलङ्गवा, लालबन्दी, कविलासी, हरिपुर र महोत्तरीका विभिन्न उमेर समूहका महिला, पुरुष र बालबालिका रहेका छन्।
प्रहरीले सवारी र चालकलाई नियन्त्रणमा लिएर दुर्घटनाको थप अनुसन्धान गरिरहेको छ।
यस घटनाले पूर्वपश्चिम राजमार्गमा सवारी सुरक्षित सञ्चालनका लागि थप सतर्कता आवश्यक रहेको देखाएको छ। यात्रुहरूलाई सुरक्षित गन्तव्यमा पुर्याउने काममा चालक र सवारी व्यवस्थापनमा कडाइ गर्नुपर्ने प्रहरीको सुझाब छ।