अमेरिकाको केन्टकीस्थित लुइसभिल विमानस्थलबाट उडान भर्ने क्रममा युपीएस कार्गो विमान दुर्घटना हुँदा कम्तिमा सातजनाको मृत्यु भएको छ। दुर्घटनाको क्रममा विमानमा आगो लागेको र ११ जना घाइते भएको जनाइएको छ।
अमेरिकी संघीय उड्डयन प्रशासनका अनुसार विमान स्थानीय समय अनुसार दिउँसो १:१५ बजे दुर्घटनाग्रस्त भएको हो। विमानमा रहेको ३८ हजार ग्यालन इन्धन विस्फोट भएपछि आगलागी भएको र आसपासका व्यावसायिक प्रतिष्ठानहरूमा समेत क्षति पुगेको छ।
घाइतेहरूको नजिकैका अस्पतालमा उपचार भइरहेको छ भने वरपरका बासिन्दालाई घरभित्रै बस्न चेतावनी दिइएको छ। दुर्घटनाको कारणको अनुसन्धान सुरु गरिएको अमेरिकी अधिकारीहरूले जनाएका छन्।