नेपालको वाम राजनीतिमा ऐतिहासिक एकताको घोषणा गर्दै नेपाली कम्युनिष्ट पार्टी (नेकपा) को संयोजकमा पुष्पकमल दाहाल ‘प्रचण्ड’ र सहसंयोजकमा माधवकुमार नेपाल चयन भएका छन्।
काठमाडौंको भृकुटीमण्डपमा आयोजित एकता सभामा उनीहरू औपचारिक रूपमा चयन गरिएको हो।
एकता सभाबाट नयाँ नेतृत्व घोषणा
नेता महेन्द्र राय यादवले सभामा संयोजकमा प्रचण्ड र सहसंयोजकमा माधवकुमार नेपाल चयन भएको घोषणा गरेका हुन्।
यससँगै नेपालमा माओवादी केन्द्र र एकीकृत समाजवादीबीचको बहुप्रतीक्षित वाम एकता प्रक्रिया औपचारिक रूपमा सुरु भएको छ।
प्रचण्ड र नेपालको पृष्ठभूमि
यसअघि प्रचण्ड नेकपा (माओवादी केन्द्र) का अध्यक्ष थिए भने माधवकुमार नेपाल नेकपा (एकीकृत समाजवादी) का अध्यक्षका रूपमा नेतृत्व गरिरहेका थिए।
दुई दलबीचको एकता तयारीका क्रममा विगत केही महिनादेखि छलफल जारी थियो। अन्ततः बुधबारको एकता सभाबाट नयाँ संयुक्त नेतृत्व संरचना घोषणा गरिएको हो।
वाम एकता नयाँ मोडमा
दुवै नेताले देशको स्थायित्व, सुशासन र समृद्धिका लागि एकता अपरिहार्य रहेको बताए। सभामा उपस्थित नेताहरूले यो कदमले वाम शक्तिहरूलाई एक ढिक्क पार्ने विश्वास व्यक्त गरे।