एसिया कप २०२५ को समूह ए अन्तर्गत भएको बहुप्रतिक्षित खेलमा भारतले पाकिस्तानलाई ७ विकेटले पराजित गरेको छ। दुबई अन्तर्राष्ट्रिय क्रिकेट स्टेडियममा भएको खेलमा भारतले लगातार दोस्रो जित दर्ता गर्दै अंकतालिकाको शीर्ष स्थान सुरक्षित गरेको हो।
टस जितेर पहिले ब्याटिङ गरेको पाकिस्तानले निर्धारित २० ओभरमा ९ विकेट गुमाएर १२७ रन मात्र बनाउन सक्यो। लक्ष्य पछ्याएको भारतले आक्रमक सुरुवात गर्दै १५.५ ओभरमै ३ विकेटको क्षतिमा १३१ रन बनाउँदै खेल आफ्नो पक्षमा पारेको हो।
भारतका लागि ओपनर अभिषेक शर्माले १३ बलमा ३१ रन, कप्तान सूर्यकुमार यादवले अविजित ४७ रन, र तिलक वर्माले ३१ रन जोडे। बलिङतर्फ कुलदीप यादवले ३ विकेट लिनु खेलको निर्णायक क्षण सावित भयो।
पाकिस्तानका लागि सहीबजादा फरानले ४० रन बनाए भने शाहीन अफ्रिदी ३३ रनमा अविजित रहे। तर बलिङतर्फ शैम अयुबको ३ विकेट पनि टिमलाई जित दिलाउन पर्याप्त भएन।
खेलमैदानभन्दा बाहिरको द्वन्द
भारत–पाकिस्तान खेल मैदानमा मात्र सीमित भएन। राजनीतिक द्वन्दका कारण खेलमा पनि तनाव झल्किएको थियो। टसपछि कप्तान सूर्यकुमार यादवले पाकिस्तानी खेलाडीसँग हात नमिलाउनु त्यसको प्रत्यक्ष संकेत थियो। खेलपछि पनि भारतीय खेलाडीहरू हात मिलाउन मैदानमा देखिएनन्।
अंकतालिका (Group A)
- भारत : २ खेल – २ जित – ४ अंक (शीर्ष स्थान)
- पाकिस्तान : २ खेल – १ जित, १ हार – २ अंक
- ओमान/युएई : हालसम्म जितविहीन
भारतले समूह विजेता बन्ने आधार बनाइसकेको छ भने पाकिस्तान सेमीफाइनलमा पुग्न बाँकी खेल जित्नुपर्ने दबाबमा छ।