चितवनको भरतपुरमा सेप्टिक ट्यांकीमा खस्दा एक महिलाको ज्यान गएको छ।
शनिबार साँझ भरतपुर महानगरपालिका-९ शरदपुरस्थित शरदकृष्ण टोलमा सो घटना भएको हो।
जिल्ला प्रहरी कार्यालय चितवनका प्रवक्ता डीएसपी रवीन्द्र खनालका अनुसार, मृत्यु हुनेमा ६४ वर्षीया राधिका विक रहेकी छिन्।
घरको आँगनमा सिमेन्टको रिङले बनाइएको सेप्टिक ट्यांकीको ढकनी अचानक भत्किएर उनी ट्यांकीमा खसेकी थिइन्। छोरीले देखेपछि तत्काल उद्धार गरी भरतपुर सरकारी अस्पताल पुर्याइएको थियो।
तर उपचारका क्रममा राति साढे ८ बजे उनको निधन भएको प्रहरीले जनाएको छ।
यो घटनाले घर वरपरको सुरक्षा मापदण्ड कडा पालना गर्नुपर्ने आवश्यकता देखाएको छ।