एक समय १८ वर्षसम्म विश्वकै सबैभन्दा धनी व्यक्ति रहेका बिल गेट्सको सम्पत्ति पछिल्लो केही दिनमा ५१ अर्ब डलरले घटेर १२४ अर्ब डलरमा झरेको छ।
ब्लुमबर्ग अर्बपति सूचिका अनुसार, जुलाई ३ मा १७५ अर्ब डलर रहेको गेट्सको सम्पत्ति अहिले घट्दै ११७ अर्ब डलरसम्म आइपुगेको छ। यस गिरावटको पछाडि मुख्य कारण उनको परोपकारी प्रतिबद्धता रहेको बताइएको छ।
‘धनी भएर नमर्ने’ गेट्सको घोषणा
गेट्सले अघिल्लो दशकदेखि नै आफ्नो सम्पत्ति समाज सेवामा प्रयोग गर्ने घोषणा गर्दै आएका छन्। उनले सार्वजनिकरूपमा भनेका छन्:
“म मरेपछि मानिसहरूले धेरै कुरा भन्लान्, तर उनी धनी भएर मरे भन्ने नबोलून् भन्ने चाहन्छु।“
उनले सन् २०४५ सम्ममा आफ्नो ९९ प्रतिशत सम्पत्ति दान गरेर गेट्स फाउन्डेसन बन्द गर्ने घोषणा गरिसकेका छन्। हालसम्म उक्त फाउन्डेसनले १०० अर्ब डलरभन्दा बढी रकम परोपकारी कार्यमा खर्च गरिसकेको छ।
स्टिभ बालमरले समेत गेट्सलाई पछि पारे
माइक्रोसफ्टकै पूर्वसहकर्मी तथा लस एन्जलस क्लिपर्सका मालिक स्टिभ बालमर अहिले १७३ अर्ब डलर सम्पत्तिसहित विश्वका पाँचौँ धनी व्यक्ति बनेका छन्।
गेट्स भने अब १२ औँ स्थानमा झरेका छन्। अर्बपति सूचिमा शीर्ष स्थानमा अहिले पनि इलन मस्क छन्, जसको कुल सम्पत्ति ३६० अर्ब डलर पुगेको छ।
परोपकारी कार्यले गेट्सलाई बदलियो
गेट्सले विशेष गरी विकासोन्मुख राष्ट्रहरूमा रोग नियन्त्रण, खोप वितरण, र शिक्षा प्रणाली सुधार जस्ता क्षेत्रमा ठूलो लगानी गर्दै आएका छन्।
उनको भनाइमा,
“युक्रेन र इजरायल जस्ता स्थानमा द्वन्द्वका कारण सहायता घट्दा विकास कार्यमा प्रभाव परेको छ। यस्तो अवस्थामा मैले स्रोतसाधन थुपार्नुको सट्टा त्यसलाई समाजसेवामा प्रयोग गर्ने निर्णय गरेको हुँ।“
गेट्स फाउन्डेसनको संक्षिप्त इतिहास
- स्थापना: सन् २००० मा बिल र मेलिन्डा गेट्सद्वारा
- उद्देश्य: विश्वव्यापी स्वास्थ्य, शिक्षा, र समानताको प्रवर्द्धन
- कुल सहयोग: १०० अर्ब डलरभन्दा बढी
- समापन लक्ष्य: सन् २०४५ को अन्त्यमा बन्द गर्दै ९९% सम्पत्ति दान गरिने