वैदेशिक रोजगारीका नाममा आकर्षक तलबको प्रलोभन देखाउँदै विभिन्न देश पठाइदिन्छु भन्दै ठगी गर्ने तीन जनालाई प्रहरीले पक्राउ गरेको छ। उनीहरूले फरक–फरक पीडितबाट करिब १ करोड ३४ लाख रुपैयाँभन्दा बढी रकम उठाएर फरार भइरहेको उजुरी परेको थियो।
पक्राउ परेका व्यक्तिहरू
पक्राउ पर्नेहरूमा–
- श्याम चन्द्र अधिकारी (४० वर्ष) – कालिका नगरपालिका–८, चितवन स्थायी, हाल ललितपुर–५
- दिल बहादुर सारू मगर (४४ वर्ष) – नवलपरासी पश्चिम, हाल काठमाडौं–२६
- चन्द्र भुसण प्रसाद (३५ वर्ष) – सर्लाही, हाल ललितपुर महालक्ष्मी–५
यस्तो छ उनीहरूले गरेको ठगी
- श्याम चन्द्र अधिकारी → अल्बानिया, अजरबैजान, मेसोडोनिया, सर्बिया लगायतका देश पठाइदिन्छु भन्दै ६ पीडितबाट १ करोड २५ लाख ७८ हजार ८०० रुपैयाँ उठाएको।
- दिल बहादुर सारू मगर → सर्बिया पठाइदिन्छु भन्दै ६ जनाबाट ४ लाख ५० हजार रुपैयाँ लिएको।
- चन्द्र भुसण प्रसाद → अल्बानिया पठाइदिन्छु भन्दै ४ जनाबाट ३ लाख ८० हजार रुपैयाँ उठाएर सम्पर्कविहीन भएको।
कसरी भए पक्राउ?
पीडितहरूको उजुरीपछि काठमाडौं उपत्यका अपराध अनुसन्धान कार्यालयले विशेष टोली खटाएको थियो।
- श्याम चन्द्र अधिकारी → मंगलबार ललितपुर–५ बाट
- दिल बहादुर सारू मगर → काठमाडौं–२६ बाट
- चन्द्र भुसण प्रसाद → बुधबार ललितपुर–५ बाट
पक्राउ परेका हुन्।
अघिल्लो कारबाही कहाँ पुग्यो?
- दिल बहादुर र चन्द्र भुसणलाई वैदेशिक रोजगार विभाग पठाइएको छ।
- श्याम चन्द्रलाई जिल्ला प्रहरी परिसर, काठमाडौं पठाइएको प्रहरीले जनाएको छ।