राप्रपाका प्रमुख सचेतक ज्ञानेन्द्र शाही र नेपाल विद्युत् प्राधिकरणका पूर्व कार्यकारी निर्देशक कुलमान घिसिङलाई अमेरिकामा आयोजित एक विशेष समारोहमा ‘ग्लोबल हिरो अवार्ड’ प्रदान गरिएको छ।
ग्लोबल नेपालीद्वारा आयोजना गरिएको सो सम्मान कार्यक्रम अमेरिकाको न्यूयोर्क शहरमा सम्पन्न भएको थियो। कार्यक्रममा नेपाली डायस्पोरा समुदायका साथै विभिन्न क्षेत्रमा सफल व्यक्तित्वहरूको उल्लेखनीय उपस्थिति थियो।
राष्ट्रसेवामा योगदानको कदर
यस वर्षको अवार्ड विशेषतः शाही र घिसिङले राष्ट्र निर्माण, जनसेवा र सुशासनको क्षेत्रमा पुर्याएको योगदानको उच्च कदरस्वरूप प्रदान गरिएको हो।
अवार्ड ग्रहण गर्दै शाहीले भने, “ग्लोबल हिरो अवार्ड कर्णाली र जुम्ली जनताको भरोसा तथा देश–विदेशमा रहेका नेपालीहरूको विश्वासको सम्मान हो। यो पुरस्कार म उहाँहरू सबैलाई समर्पण गर्न चाहन्छु।”
उनले यो सम्मानले समाजमा राम्रो काम गर्ने प्रेरणा र एकताको भावना बढाउने विश्वास पनि व्यक्त गरे।
घिसिङको आभार
विद्युत् सुधारको अभियानले चर्चामा आएका कुलमान घिसिङले पनि आफ्नो कृतज्ञता व्यक्त गर्दै, विदेशमा रहेका नेपाली समुदायसँग अझ नजिकबाट काम गरिरहेको जनाएका छन्।
उनको नेतृत्वमा नेपालमा लोडसेडिङ अन्त्य भएको ऐतिहासिक उपलब्धिले उनलाई अन्तर्राष्ट्रिय स्तरमा पनि नेपाली समर्पणको प्रतीक बनाएको छ।