काठमाडौको लैनचौरस्थित एनसेल आइकन मुख्य कार्यालयमा २०८२ भदौ २४ गतेको जेनजी आन्दोलनका क्रममा प्रदर्शनकारीहरूले तोडफोड, आगजनी र डकैती गरेको भन्दै सोमबार एनसेलले जिल्ला प्रहरी कार्यालय, काठमाडौंमा उजुरी दर्ता गराएको छ।
उजुरीमा प्रहरीसँग अनुरोध गरिएको छ कि घटनामा संलग्न व्यक्तिहरूलाई पक्राउ गरी आवश्यक अनुसन्धान गरी कानुनको दायरामा ल्याई हदैसम्मको सजायको भागिदार बनाइयोस्।
एनसेलको माग र विवरण
- चोरिएका सामान फिर्ता दिलाउन आग्रह।
- आगजनीबाट क्षति भएको सम्पत्ति क्षतिपूर्ति दिलाउने।
- कार्यालयको दस वटै तलामा रहेका बहुमूल्य विद्युतीय समान जस्तै: कम्प्युटर, टेलिभिजन, प्रिन्टर, फ्रिज, ओभन, कफी भेन्डर मेसिन।
- कार्यालय परिसरमा रहेको महँगा गाडी समेत आगोले क्षतिग्रस्त।
एनसेलले घटनामा कैद भएका सम्पूर्ण सीसीटीभी फुटेज प्रहरीलाई उपलब्ध गराएको छ।