अर्थमन्त्री रामेश्वर खनालले पुँजीबजारमा देखिएका समस्याहरूको अध्ययन गरी सुधारका लागि चार सदस्यीय कार्यदल गठन गरेका छन्।
कार्यदलको मुख्य उद्देश्य पुँजीबजारमा रहेका विकसित विसंगति र चुनौतीहरू पहिचान गरी सुधारका सुझाव र ठोस कार्यान्वयन योजना तयार गर्नु हो। यसले आम लगानीकर्ताको मनोबल वृद्धि गर्न तथा बजारलाई दिगो बनाउने उपायहरू सुझाउने छ।
कार्यदलका सदस्यहरू
- संयोजक: रुपेश केसी, धितोपत्र बोर्ड, कामु कार्यकारी निर्देशक
- सदस्य: शरण अधिकारी, नेपाल राष्ट्र बैंक निर्देशक
- सदस्य: निरन्जन फूयाँल, नेपाल स्टक एक्सचेञ्ज, कामु कार्यकारी निर्देशक
- सदस्य–सचिव: टंक प्रसाद पाण्डेय, अर्थ मन्त्रालय उपसचिव
कार्यदलको समयसीमा
- गठनको ५ दिनभित्र ठोस कार्ययोजना प्रस्तुत गर्ने लक्ष्य राखिएको छ।
अर्थमन्त्री खनालका अनुसार, पुँजीबजार सुधारले लगानीकर्ताको विश्वास बढाउने, बजारलाई सुदृढ बनाउने र प्रक्रियागत सुधार ल्याउने अवसर प्रदान गर्नेछ।