गुल्मी जिल्लाको धुर्कोट गाउँपालिका–७ वाग्ला द्वानेटास्थित विद्युत् पोलमा मर्मत गर्ने क्रममा करेन्ट लागेर एक व्यक्तिको मृत्यु भएको छ।
स्थानीय ४० वर्षीय झबिन्द्र घिमिरे विद्युत् पोलमा चढी मर्मत गर्दै गर्दा करेन्ट लागेर गम्भीर घाइते भएका थिए। उनलाई तत्कालै उपचारका लागि गुल्मी अस्पताल पुर्याइएको थियो तर अस्पताल पुर्याइएपछि चिकित्सकले उनलाई मृत घोषणा गरेका थिए।
घटना हाइटेन्सन लाइनको फलामे पोलमा मर्मत गर्ने क्रममा भएको जनाइएको छ। जिल्ला प्रहरी कार्यालय गुल्मीका सूचना अधिकारी प्रहरी नायब उपरीक्षक गंगाबहादुर सारुका अनुसार घटनास्थलमा प्रहरी चौकी मर्भुङबाट प्रहरी सहायक निरीक्षक दीपक शाहको नेतृत्वमा टोली खटिएको थियो।
उक्त घटनाले नेपालमा विद्युत् मर्मत कार्यमा प्रयोग हुने सुरक्षाका उपायबारे गम्भीर प्रश्न खडा गरेको छ। स्थानीय निकाय र सम्बन्धित निकायले यस्ता घटनालाई न्यूनिकरण गर्न तत्काल कदम चाल्नु जरुरी देखिएको छ।