साताको दोस्रो दिन सोमबार सुनको मूल्य २ हजार रुपैयाँले घटेको छ। अघिल्लो दिन आइतबार सुनको मूल्य ११ हजार बढीले घटेको थियो भने सोमबार थप २ हजारले घटेर सुनको मूल्यमा ओरालो जारी रहेको छ।
नेपाल सुन चाँदी व्यवसायी महासंघका अनुसार सोमबार सुनको मूल्य २ लाख ३९ हजार ९०० रुपैयाँ प्रति तोलामा कायम भएको छ। अघिल्लो दिन ११ हजार ६०० रुपैयाँ घटेर २ लाख ४१ हजार ९०० रुपैयाँ प्रति तोलामा कारोबार भएको थियो।
सुनको मूल्य घटेसँगै चाँदीको भाउ पनि घटेको छ। सोमबार प्रतितोला चाँदीको मूल्य २ हजार ९८० रुपैयाँ तोकिएको छ। अघिल्लो दिन आइतबार चाँदीको मूल्य ३ हजार १५ रुपैयाँ प्रति तोला कायम भएको थियो।
गत कारोबार दिन प्रतितोला चाँदी ३ हजार २८० रुपैयाँमा खरिदबिक्री भएको थियो। यसरी सुन र चाँदी दुवैको मूल्यमा लगातार ओरालो लागिरहेको छ।