दशैं बिदा सकिएर खुलेको पहिलो कारोबार दिन (मंगलबार) नेपाली सेयर बजारमा ठूलो गिरावट आएको छ। नेप्से परिसूचक ५८.५५ अंकले घट्दै २,६०४.९६ विन्दुमा झरेको छ भने सेन्सेटिभ इन्डेक्स पनि ७.८८ अंकले घटेर ४५४.६२ विन्दुमा अडिएको छ।
दशैंअघिको अन्तिम कारोबार दिन असोज १२ गते (आइतबार) नेप्से सामान्य वृद्धि भएको थियो, तर बिदा सकिएपछि बजारमा नकारात्मक मनोवृत्ति हावी भएको देखिएको छ।
आजको कारोबार स्थिति
- कुल कारोबार भएको स्क्रिप्स: ३२६
- कुल कारोबार कित्ता: १ करोड ३ लाख ४५ हजार ९०३
- कुल कारोबार रकम: रु ४ अर्ब ६२ करोड ९० लाख ४२ हजार ६५६
शीर्ष कारोबार कम्पनीहरू
- युनियन हाइड्रोपावर: रु २८ करोड
- नेपाल रिइन्स्योरेन्स: रु १९ करोड
- हिमालयन रिइन्स्योरेन्स: रु १२ करोड
- शिवम् सिमेन्ट: रु १२ करोड
- सिनर्जी पावर डेभलपमेन्ट: रु ११ करोड
मूल्य बढ्ने कम्पनीहरू
- सिन्चुरी डिबेन्चर २०८८: +१०%
- एनआईसी एशिया ऋणपत्र २०८८: +९.११%
मूल्य घट्ने कम्पनीहरू
- भूगोल इनर्जी डेभलपमेन्ट: -९.९९%
- नेपाल रिइन्स्योरेन्स: -८.५७%
बजार स्थिति
आज कारोबारमा सहभागी भएका ३२६ कम्पनीमध्ये:
- १६ कम्पनीको मूल्य मात्र बढ्यो
- २३५ कम्पनीको मूल्य घट्यो
- १ कम्पनीको मूल्य स्थिर रह्यो
सबै उपसमूहको सूचक नकारात्मक देखिएको छ, जहाँ अदर्श समूह सबैभन्दा धेरै, अर्थात् ४ प्रतिशतले घटेको छ।
दशैंपछि बजारमा अपेक्षित सुधार देखिएको छैन। लगानीकर्तामा अनिश्चितता र तरलता अभावका कारण बिक्री दबाब बढेको विश्लेषकहरूको मत छ।