ललितपुरको ठैवमा विद्युतको पोल सार्ने क्रममा पोलले एक जनालाई थिच्दा उनको मृत्यु भएको छ।
गोदावरी नगरपालिका–१४ सरस्वतीटार टोलमा बाटो बनाउने क्रममा जेसीबीले पोललाई ठीकसँग अड्याउन नसक्दा ५५ वर्षका रमेश शाही पोलमुनि परे। प्रहरीका अनुसार, घटनास्थलमा स्थानीयको ठूलो संख्या जम्मा भई आक्रोश देखाइएको छ।
स्थानीयहरूले जेसीबीको सिसा फुटाएका छन् भने प्रहरीले घटनास्थलमा शान्ति कायम राख्न प्रयास गरिरहेको छ। मृतकको शव परीक्षणका लागि पाटन अस्पताल पठाइएको छ। प्रहरीले थप अनुसन्धान गरिरहेको छ।