राष्ट्रिय स्वतन्त्र पार्टी (रास्वपा)का सभापति रवि लामिछाने नख्खु कारागार फर्किएका छन्।
जिल्ला प्रहरी परिसर, ललितपुरका प्रहरी वरिष्ठ उपरीक्षक (एसएसपी) श्याम अधिकारीका अनुसार, लामिछाने शनिबार साँझ एक घण्टाअघि नै कारागार आइपुगेका हुन्।
आन्दोलनपछिको हिंसा र कारागार तोडफोड
जेन–जी आन्दोलनपछिको प्रदर्शन भड्किएपछि देशभर हिंसा फैलिएको थियो। भदौ २४ गते नख्खु कारागारमा तोडफोड भएपछि लामिछाने त्यतिबेला बाहिर निस्किएका थिए।
कारागार प्रशासनको अपिलपछि फर्किए
कारागार प्रशासनले कैदीबन्दीलाई पुनः कारागार फर्किन अपिल गरेको थियो। उक्त अपिलअनुसार लामिछाने शनिबार साँझ नख्खु कारागार पुगेका हुन्।
कारागार प्रशासनका एक अधिकारीले जानकारी दिँदै भने, “उनी स्वयं आएर आत्मसमर्पण गरेका हुन्, अहिले आवश्यक प्रक्रिया पुर्याएर कारागारमा राख्ने तयारी भइरहेको छ।”