निर्वाचन आयोगले आगामी प्रतिनिधिसभा सदस्य निर्वाचनका लागि समानुपातिक निर्वाचन प्रणालीमा भाग लिन इच्छुक राजनीतिक दलहरूलाई औपचारिक रूपमा निवेदन (Application) पेश गर्न आह्वान गरेको छ।
शुक्रबार सार्वजनिक गरिएको सूचनाअनुसार, मंसिर २१ गते बिहान १० बजेदेखि मंसिर २३ गते अपराह्न ४ बजेसम्म दलहरूले आयोगमा निवेदन दर्ता गर्न सक्नेछन्।
निर्देशिका अनुसार निवेदन अनिवार्य
आयोगले स्पष्ट रूपमा भनेको छ कि समानुपातिक तर्फ सहभागी हुन चाहने दलले
‘प्रतिनिधिसभा सदस्य समानुपातिक निर्वाचन निर्देशिका २०८२’ को अनुसूची-२ अनुसारको ढाँचामा नै निवेदन पेश गर्नुपर्नेछ।
कसले हस्ताक्षर गर्ने?
निवेदन पेश गर्दा—
- दलको केन्द्रीय समितिको निर्णय हुनुपर्ने
- अधिकार प्रदान गरिएको पदाधिकारीको हस्ताक्षर अनिवार्य हुने आयोगले जनाएको छ।
बन्द सूची नदिने दललाई दर्ता आवश्यक पर्दैन
आयोगका अनुसार समानुपातिक उम्मेदवारको बन्द सूची (Closed List) नबुझाउने दलले
समानुपातिक निर्वाचन प्रणाली तर्फ दल दर्ता गराउन आवश्यक नपर्ने छ।