दक्षिण अफ्रिकाले २७ वर्षको प्रतीक्षापछि विश्व क्रिकेटमा ऐतिहासिक सफलता हात पारेको छ। शनिबार लर्ड्समा भएको वर्ल्ड टेस्ट च्याम्पियनसिपको फाइनलमा अस्ट्रेलियालाई ५ विकेटले पराजित गर्दै दक्षिण अफ्रिकाले पहिलोपटक यो प्रतिष्ठित उपाधि जितेको हो।
एडेन मारक्रमको अविश्वसनीय १३६ रनको शतकको मद्दतमा प्रोटियसले २८२ रनको लक्ष्य ५ विकेट गुमाउँदै सहजै पुरा गर्यो। यो जितसँगै दक्षिण अफ्रिकाले दशकौँदेखिका पीडादायी असफलताहरू बिर्सिएको छ।
भावुक क्षण : “हामी एउटा देशको सपना पूरा गर्दैछौं” — केशव महाराज
दक्षिण अफ्रिकी खेलाडीहरू जितपछि अत्यन्तै भावुक देखिए। केशव महाराजले भने, “हामी सधैं राम्रो क्रिकेट खेल्न चाहन्छौं। यो जित हाम्रो देशको एकता र पहिचानको प्रतिबिम्ब हो।”
इतिहासको नयाँ पाना
दक्षिण अफ्रिकाले १९९८ मा च्याम्पियन्स ट्रफी जितेपछि पहिलोपटक विश्वस्तरीय ट्रफी हात पार्न सफल भएको हो। पछिल्ला वर्षहरूमा १९९९ बर्मिंघम, २०११ ढाका, २०१५ अकल्यान्ड, २०२३ कोलकाता र २०२४ ब्रिजटाउनमा निर्णायक खेलहरूमा पराजित भएको थियो।
तर यसपटक भने परिस्थितिले दक्षिण अफ्रिकाको पक्ष लिएर आयो। चौथो दिनको सुरुवातमा कप्तान बाभुमा र मारक्रमको सशक्त साझेदारीले टिमलाई जितको नजिक पु¥यायो।
मारक्रमको ऐतिहासिक इनिङ्स
मारक्रमले २०७ बलमा १४ चौकासहित १३६ रन बनाए। उनको यो इनिङ्सले पुराना दिग्गज एलान डोनाल्ड, शन पोलाक, एबी डी भिलियर्स र ज्याक कालिसका सपना पुरा गरेको बताइएको छ।
दक्षिण अफ्रिकाको नयाँ कीर्तिमान
- दोस्रो ठूलो लक्ष्य पछ्याएर जित्ने कीर्तिमान
- वर्ल्ड टेस्ट च्याम्पियनसिपको पहिलो उपाधि
- लर्ड्समा ऐतिहासिक जित
अन्तिम निष्कर्ष
२७ वर्षपछि आएको यो सफलताले दक्षिण अफ्रिकाको क्रिकेट इतिहासमा नयाँ युगको सुरुवात गराएको छ। अब टिमको ध्यान सन् २०२७ मा आफ्नै भूमिमा आयोजना हुने एकदिवसीय विश्वकपमा केन्द्रित हुनेछ।