सुदूरपश्चिम प्रदेश सरकारले आगामी आर्थिक वर्ष २०८२/८३ का लागि ३३ अर्ब ४७ करोड ६० लाख ४८ हजार रुपैयाँको बजेट सार्वजनिक गरेको छ। चालु आर्थिक वर्षको तुलनामा यो बजेट १ अर्ब ८४ करोड रुपैयाँले बढाइएको हो।
बजेट प्रदेशका आर्थिक मामिला मन्त्री बहादुरसिंह थापाले आज प्रदेश सभामा प्रस्तुत गरेका हुन्।
बजेट बिनियोजनको मुख्य अंशहरू:
- पुँजीगत खर्च: १९ अर्ब ८३ करोड (५९.२५%)
- चालू खर्च: १० अर्ब २० करोड (३०.४९%)
- भौतिक पूर्वाधार मन्त्रालय: १५ अर्ब ४० करोड बिनियोजन
- सामाजिक विकास मन्त्रालय: ७ अर्ब ७ करोड रुपैयाँ
पूर्वाधारमै प्राथमिकता:
प्रदेश सरकारले गौरवका आयोजना, सडक निर्माण र सिंचाइ योजनामा प्राथमिकता दिएको छ।
- बझाङको साइपाल, बैतडीको सिगास, दार्चुलाको अपि हिमाल जोड्ने सडक
- प्रदेश सभा सदस्यलाई आयोजना छनोट र अनुगमनमा भूमिका दिने कानुनी प्रावधान
- सिंचाइ योजनाको दिगोपनका लागि १० करोड
स्वास्थ्य क्षेत्रमा बजेट वृद्धिः
प्रदेशका प्रमुख अस्पतालहरूलाई स्तरोन्नति गर्ने योजना:
- बाजुराको कोल्टी, दार्चुलाको गोकुलेश्वर, कञ्चनपुरको बेलौरी, कैलालीको लम्कीचुहा
- बयालपाटा अस्पताललाई प्रदेश मातहत ल्याइने
- डडेल्धुराको जोगबुडा र लम्कीचुहालाई प्रादेशिक अस्पताल बनाइने
कृषि तथा सहकारीमा नविन योजना:
कृषिमा व्यावसायिकता ल्याउने उद्देश्यसहित ३ अर्ब ३० करोड बजेट बिनियोजन गरिएको छ।
- एक स्थानीय तह दुई उत्पादन नीति
- १७६ कृषि तथा पशुप्राविधिक परिचालन
- कृषि एम्बुलेन्स, भीमदत्त कृषि कार्यक्रम, एग्रिकल्चर डिजिटलाइजेसन, प्राकृतिक तालमा माछा उत्पादन वृद्धि योजना
पर्यटन र वातावरणको विकास:
२ अर्ब ३४ करोड बजेट सहित
- खप्तड, बडिमालिका, मालिकार्जुन, रामारोशनमा केबलकार सम्भाव्यता अध्ययन
- बडिमालिकामा ७ करोड २५ लाख को पर्यापर्यटन प्रवर्द्धन कार्यक्रम
- डडेल्धुरामा जडीबुटी प्रशोधन केन्द्र स्थापना
विपक्षको प्रतिक्रिया:
- माओवादी केन्द्रका ओमविक्रम भाट: बजेट कार्यान्वयनमा चुनौती, स्रोतको सुनिश्चितता छैन
- एकीकृत समाजवादीका नरेश कुमार शाही: उत्साहजनक छैन, ठूला योजना प्राथमिकतामा छैनन्