राष्ट्रिय सूचना प्रविधि केन्द्रका तत्कालीन कार्यकारी निर्देशक सुनील पौडेलसहित ६ जनाविरुद्ध १६ करोड रुपैयाँभन्दा बढी भ्रष्टाचार गरेको अभियोगमा विशेष अदालतमा मुद्दा दायर गरिएको छ।
हाई कम्प्युट इन्फ्रास्ट्रक्चर उपकरण खरिदमा मिलेमतो, गुणस्तरहीन सामान र अनियमित प्रक्रिया अपनाएको भन्दै अख्तियार दुरुपयोग अनुसन्धान आयोगले भ्रष्टाचारको मुद्दा दायर गरेको हो।
मुख्य तथ्यहरू:
- मुद्दा दायर : विशेष अदालत, काठमाडौं
- आरोप : झुटो लागत अनुमान, महँगो र गुणस्तरहीन उपकरण खरिद
- बिगो रकम : १५ करोड ८८ लाख ५० हजार रुपैयाँ
- ठेक्कादार कम्पनी : वर्ल्ड डिस्ट्रिब्युसन नेपाल प्रालि
- ठेक्का मूल्य : ३० करोड ६५ लाख ५५ हजार ७६३ रुपैयाँ
कस-कसलाई मुद्दा दायर गरियो?
- सुनील पौडेल – तत्कालीन कार्यकारी निर्देशक
- सफल श्रेष्ठ – तत्कालीन निर्देशक
- रमेश पोखरेल – सहायक निर्देशक
- रामशरण गायक – कम्प्युटर इञ्जिनियर
- निमबहादुर वली – लेखा अधिकृत
- अरुण श्रेष्ठ – वर्ल्ड डिस्ट्रिब्युसनका अध्यक्ष/प्रबन्ध निर्देशक
मुद्दाको पृष्ठभूमि:
अख्तियारका अनुसार, बिना गुरुयोजना नै लागत अनुमान तयार गरी बोलपत्र आह्वान गरिएको थियो। उपकरण महँगो मूल्यमा खरिद गरिनुका साथै प्राविधिक मापदण्ड विपरीतका सामानहरू ल्याइएका थिए।
पौडेल र अन्य कर्मचारीहरूले सरकारी सम्पत्तिमा नोक्सानी पुर्याएको पुष्टि भएपछि भ्रष्टाचार निवारण ऐनअनुसार मुद्दा अघि बढाइएको हो।
पहिले पनि मुद्दा दायर
- सुनील पौडेलमाथि यसअघि पनि अधाधर्जन मुद्दा दायर भइसकेको छ।
- उनीमाथि विशेष अदालतबाट धेरै मुद्दामा दोषी ठहर भइसकेको छ।
- अहिले डिल्लीबजार कारागारमा कैद सजाय भोगिरहेका छन्।