सुर्खेत प्रहरीले वीरेन्द्रनगरस्थित तीनवटा होटलमा छापा हानी २५ जनालाई पक्राउ गरेको छ। पक्राउ पर्नेमा १४ जना पुरुष र ११ जना महिला रहेका छन्।
जिल्ला प्रहरी कार्यालय सुर्खेतका अनुसार आइतबार हार्दिक होटल, दंगाली होटल र विकास होटलमा अश्लील गतिविधि तथा सार्वजनिक शान्ति र नैतिकताविरुद्धका कार्य भइरहेको सूचनाका आधारमा छापा हानिएको हो।
प्रहरीका अनुसार पक्राउ परेकाहरूमा ती होटलका सञ्चालकसमेत रहेका छन्।
प्रवक्ता डीएसपी मोहनजंग बुढथापाका अनुसार उनीहरूमाथि सार्वजनिक हित, स्वास्थ्य, सुरक्षा, सुविधा र नैतिकता विरोधी कसुरमा मुद्दा दर्ता गरी अनुसन्धान अघि बढाइएको छ।