प्रमुख जिल्ला अधिकारी गणेश अर्यालका अनुसार चितवनमा भदौ २४ गतेदेखि जारी कर्फ्यु हटाइएको छ र त्यसको सट्टा निषेधाज्ञा लगाइएको छ।
आज बिहान ६:०० बजेदेखि लागू भएको निषेधाज्ञाअन्तर्गत जिल्ला सदरमुकामका बैंक र वित्तीय संस्थाहरू दिनको १:०० बजेसम्म सञ्चालन हुने छन्। साथै सरकारी कार्यालयहरू पनि खुला गरिएको प्रजिअ अर्यालले जानकारी दिएका छन्।
निषेधाज्ञा कार्यान्वयनसँगै विस्तारै सडकमा सवारी आवागमन सहज हुँदै गएको छ। यसले जनजीवन क्रमशः सामान्य बनाउने अपेक्षा गरिएको छ।
प्रशासनले जनतालाई अत्यावश्यक कामबाहेक बाहिर ननिस्कन आग्रह गर्दै आवश्यक सावधानी अपनाउन पनि अनुरोध गरेको छ।