जिल्ला प्रशासन कार्यालय काठमाडौंले दीपावलीको अवसरमा देउसीभैलो र अन्य पर्व गतिविधि गर्दा नागरिक सुरक्षा र कानुनी पालना गर्न आग्रह गरेको छ। प्रशासनले विशेषगरी राति ९ बजेपछि देउसीभैलो नगर्न अनुरोध गरेको छ।
सुरक्षा र सावधानीका मुख्य बुँदा
- दीपावली तथा देउसीभैलो:
- मैनबत्ती र बिजुली प्रयोग गर्दा सावधानी अपनाउने।
- पटाका, भुइँचम्पा वा अन्य आगलागी हुने पदार्थको खरिद, बिक्री, ढुवानी र प्रयोग नगर्ने।
- कार्यक्रम बेलुका ९ बजेसम्म मात्र सीमित राख्ने।
- सार्वजनिक सडक मार्गमा कार्यक्रम राख्न नपाइने।
- सार्वजनिक सुरक्षा:
- घर खाली हुँदा छिमेकीलाई जानकारी दिने।
- शंकास्पद व्यक्ति आए प्रहरीमा खबर गर्ने।
- अत्यावश्यक वस्तुमा कृत्रिम अभाव, कालोबजारी, म्याद नाघेका वस्तु विक्री नगर्ने।
- सवारी सुरक्षा:
- सवारीसाधनमा क्षमता भन्दा बढी यात्रु नबोक्ने।
- मादक पदार्थ सेवन गरी सवारी नचलाउने।
- तोकिएको भाडादर भन्दा बढी भाडा नलिने।
- ट्राफिक नियम पालना गर्ने।
- अन्य गैरकानुनी गतिविधि:
- चिठ्ठा, जुवा, अनलाइन सपिङका नाममा हुने अवैध कारोवार।
- विद्युतीय माध्यमबाट हुने ठगीबाट सावधान।
प्रशासनले सुरक्षित, अनुशासित र व्यवस्थित दीपावली मनाउन सबै नागरिकलाई आग्रह गरेको छ। मुख्य उद्देश्य सार्वजनिक सुरक्षा, आगलागी जोखिम न्यून गर्नु र ट्राफिक व्यवस्थापन सुनिश्चित गर्नु हो।