नेपाल साफ यु–१७ पुरुष फुटबल च्याम्पियनसिपको सेमिफाइनलमा प्रवेश गरेको छ।
आइतबार समूह ‘ए’ को खेलमा बंगलादेशले घरेलु टोली श्रीलंकालाई ४-० ले पराजित गरेपछि नेपालले सेमिफाइनलमा आफ्नो स्थान सुरक्षित गरेको हो।
नेपाल समूह ‘ए’ मा दोस्रो स्थानमा रहेर सेमिफाइनलमा पुगेको हो। पहिलो खेलमा नेपालले श्रीलंकालाई २-० ले हराउँदै विजयी सुरुआत गरेको थियो। दोस्रो खेलमा नेपालले बंगलादेशसँग ४-० ले हार व्यहोरेको थियो।
अब नेपालले समूह ‘बी’ मा रहेको भारत वा पाकिस्तानसँग सेमिफाइनल खेल्नेछ। भारत र पाकिस्तानबीचको खेलले नेपालले सामना गर्ने प्रतिद्वन्द्वी निर्धारण गर्नेछ।
यस प्रतियोगितामा कुल ७ टोलीले सहभागिता जनाएका छन्।