नेपालको विभिन्न भागमा आज भारी वर्षा हुने पूर्वानुमान गरिएको छ। जल तथा मौसम पूर्वानुमान महाशाखाका अनुसार कोशी, तराई र वाग्मती प्रदेशका पहाडी भागमा विशेष गरी भारी वर्षा हुने सम्भावना छ।
हाल मनसुनको न्यून चापीय रेखा सामान्यभन्दा दक्षिणतिर सरेको हुँदा देशभर दिउँसोभर साधारणतया बदली रहने जनाइएको छ। लुम्बिनी प्रदेशका पहाडी भूभाग र तराईका केही स्थानमा पनि मध्यम वर्षा हुने अनुमान गरिएको छ।
आज राति पनि कोशी र मधेस प्रदेशलगायत पहाडी भूभागमा बदली रहने र केही स्थानमा मध्यम वर्षा हुने सम्भावना छ। वाग्मती र गण्डकी प्रदेशका केही स्थानमा समेत वर्षा हुने पूर्वानुमान गरिएको छ।
महाशाखाले भारी वर्षा हुने क्षेत्रमा पहिरो, गेग्रान बहाव (Debris Flow) र नदी-नालामा पानीको सतह बढ्न सक्ने जोखिम रहेको बताउँदै सर्वसाधारणलाई सतर्क रहन आग्रह गरेको छ। यातायात र आवतजावतमा पनि असर पर्न सक्ने भएकाले पूर्वतयारी गर्न अनुरोध गरिएको छ।