एनआईसी एशिया बैंकले ग्राहकहरूको आवासीय आवश्यकता पूरा गर्नका लागि ‘एनआईसी एशिया साथी घर कर्जा’ योजना सार्वजनिक गरेको छ। यस योजना अन्तर्गत न्यूनतम ५० लाखदेखि अधिकतम ३ करोड रुपैयाँसम्मको घर कर्जा उपलब्ध हुनेछ।
‘सपना तपाईंको, साथ हाम्रो’ नारासहित सार्वजनिक गरिएको यस योजनामा आकर्षक ब्याजदर र सुविधाजनक सेवा रहने बैंकले जनाएको छ। कर्जा घर तथा अपार्टमेन्ट खरिद, घर निर्माण वा पुनर्निर्माण र घडेरी खरिदका लागि उपलब्ध हुनेछ।
यस कर्जाको अवधि अधिकतम २५ वर्ष रहनेछ। पहिलो पटक घर खरिद वा निर्माण गर्ने ग्राहकलाई धितो सुरक्षणको अनुपात ८० प्रतिशत र अन्य ग्राहकको हकमा ७० प्रतिशत कायम गरिएको छ।
एनआईसी एशियाले यो कर्जा योजना ग्राहकलाई सहज प्रक्रियाबाट उपलब्ध गराउने बताएको छ।