राष्ट्रिय स्वतन्त्र पार्टी (रास्वपा)**ले पार्टीका केन्द्रीय विभागहरूमा जिम्मेवारी पुनः हेरफेर गरेको छ। आइतबार पार्टी केन्द्रीय कार्यालय चःमतिमा बसेको सचिवालय बैठकले नयाँ जिम्मेवारी वितरण गरेको हो।
रास्वपाका प्रवक्ता मनिष झाले जानकारी दिए अनुसार, जिम्मेवारी यसप्रकार तोकिएको छः
- रविकिरण अधिकारी – अनुसन्धान तथा अभिलेखीकरण विभाग प्रमुख
- सुलभ खरेल – कानुन, न्याय तथा मानवअधिकार विभागका उपप्रमुख
- बोधनारायण श्रेष्ठ – केन्द्रीय संगठन विभागका उपप्रमुख
- ज्ञानेन्द्र महत – विज्ञान, सञ्चार तथा सूचना प्रविधि विभाग सचिव
पार्टीका अनुसार, यो जिम्मेवारी हेरफेर संस्थागत सुदृढीकरण र कार्यक्षमता अभिवृद्धिका लागि गरिएको हो। रास्वपाले आन्तरिक संरचना परिमार्जनसहित संगठन विस्तारका कामलाई तीव्र बनाउने जनाएको छ।
